.: وبموجی :.
آرشيو.: پيشخان :.
آرشيو
.: سربس :.
.: وامج :.
.: ورگˇ خبرنامه :.
اگه خأييد ورگˇ خبرنامهئنه فگيريد، ايته خالی ايمئيل، subscribe عنوانˇ همره اوسئه بکونيد ا آدرسˇ ره:varg.glk[at]gmail.com
تمام حقوق مادی و معنوی اين سايت متعلق به امين حسنپور
میباشد.
هرگونه نقل يا استفاده از مطالب اين سايت در اينترنت،
تنها با ذکر نام منبع و در کتابها و نشريات، با اجازهی نويسنده مجاز
است.
varg.glk[at]gmail.com
Atom|RSD|RSS1|RSS2
خواهرزادهام کلاس اول ابتدائیست و دیگر میتواند بخواند و بنویسد. البته به کندی و سختی.
امروز جذب صفحهی رنگارنگ و شاد شماره جدید نشریه زیته شده بود و مشغول شمردن سینهای سفره روی جلدش بود.
محض آزمایش یک سطر از یکی از نوشتههای گیلکی را نشانش دادم و بدون اینکه بگویم فارسی نیست گفتم: بخون.
و دختر کوچولو این شعر میرعماد موسوی را افتان و خیزان خواند:
اسفالتˇ سر، وارشˇ جیر (4): Fast Food!
ورگ | 1583، نؤروˇ ما 27
فرض بکونین یکته اوروپپایی کشورˇ مئن زندگی کأ درین -فرضه دئه- و صوب تا غوروبأ نی کارˇ سر ایسأین. شمه خانمم از وختی که بمأ اوروپپا دئه گونه کی نخأنه خؤنه مئن آشپزی بکونی و شمنم کی شیمه حوقوق بد نیه، خؤنه غذا رستورانأ جی هگینین. هینˇ واسی وختی گه شنین کارˇ سر، دئه خانم شیمه ناهاره شمئبه چأنکؤنه گه دکونین خودتؤنˇ غذاجا مئن و ببرین اداره یا کارگا. خؤب معلومه گه ناهارˇ زمت کی بنه، خأ یک فکری به حال خودتؤنˇ شوکؤم بکونین.
یا فرض بگیرین شؤ درین یک جا و عجله دأنین و خأ یک فیکری به حالˇ خودتؤنˇ وشنه شوکؤم بکونین. یا یک جا جی امأ درین و ناهار یا شام نخؤردین و خؤنه مئنأ نی غذا ندأنین.
خؤ، یک چی گه ارزؤن و گرم ببون، هلههوله نی به حساب نأی، هو چیزی ایسسه گه شمه خأنین. یکچی که زود حاضرأ بی که شمه خودتؤنه کاره فأرسین و معططلأ نبین. خؤ، خارجیئن -امه کی ندیم، امئبه تعریف بودن- اونه گونن: فَست فود! یعنی: او جور غذا کی زود حاضرأ بون و زود به خوردنأ شون. اوروپپا و آمریکا مردوم، خوشؤنˇ کار و زندگی وأسی زیاد فُستفود خؤنن. چون دئه آشپزی نکونن یا خوشؤنˇ کاره فأرسن.
آها! اینˇ نام شمئبه آشنا؟ یکجا بشتؤسه دأنین؟ کؤره؟ لاجؤنˇ بولوارˇ مئن؟ شیشهگرانˇ مئن؟ رشتˇ گؤلسارˇ مئن؟ بئس بینم. دئه نخأنه فرض بکونیم. بدأر ایسفره بشیم خیابؤنˇ مئن بینیم ای فَستفود کی گونن چیسه و چی مزهیی دأنه؟ بئس اننئی واچیشیم:
آخرˇ هفته، پنشمبه یا جومه غوروبدمئی، فلانآقا خو دوسدخترˇ باله بیته، دوتتهیی چاکونواکون بوده، باکلاس، سینه جولؤ، دوماغ جؤر ، بالبهبال شؤ درن کسنˇ همره «فست فود» بخورن!
او طرفأ جی، بیسار خانم، خو شوهرˇ همره کی تازه بانکˇ مئن ببؤ شعبه رییس! خوشؤنˇ سیفید 206 مئن نیشتن، خانم خو زأکه تازه لیواس دوده، آقا نی شؤ دره خانوادهئبه فَستفود بهینی. بازین خیابؤنˇ وسط کی فارسنه، اوجور که مردوم اینˇ خانمˇ اسمˇ کوچیکه نشتؤن گونه: ...نوشابه چی رنگی هگیرم؟ (بسچی که فارسی گونه! آدم رییس شعبه ببون، شیشهگرانˇ مئن فستفود بخوری، تازه اونم پنشمبه-جومه، بازون گیلکی گب بزنی؟! بنه مگه أقا؟ استغفرالله!) خولاصه! خانمم یک رنگی دؤجین کؤنه که خو روسری و کفشˇ همره «سِت» ببون.
شیمه جا خالی، امنم قراره زأکؤنˇ همره پول پولˇ سر بنیم، آخرˇ هفته بشیم «فَستفود» بخوریم. قراره قبلش امی تیپپه چأکونیم، چنته دؤر شیشهگرانˇ مئن بزنیم و بازون بشیم فستفود خوری! البته زأکؤن از الؤن مأ بوتن که مو حق ندأنم فستفود سفارش بدم. گونن تو صاحاب مغازه همره گیلکی گب زئنی امی آبرؤ بئنی. گونن تو وختی گونی: «آقا دوغ هدی»، اؤره لاکؤکؤن امئبه خنده کؤنن! خولاصه قراره مو تام بزنم تا بتؤنیم فَستفود بخوریم و بأزون شاید بشؤیم غلیؤنکشی. اؤره خأن می دیلˇ نأجهٰ بنیشؤنم!
اسفالتˇ سر، وارشˇ جیر: 1 - 2 - 3 - 4 - 5
ا فست فود کی گی چیسه ابرار؟
غذا نامه؟ میرزا قاسیه مانه؟
سلام آقای حسن پور.اول بابت تقویم تشکر می کنم به دستم رسید.
دیگر اینکه شما که تو اجباری زیاد نباید بهتون برسن! بهتره این پنج شنبه جمعه رو دیگه فست فود نخورید.
یه چیزی هم یادم اومد که بد نیست بگم.یه فامیل تهرانی داریم که لهجه ی فوق العاده ای داره و دانشگاه لاهیجان درس می خونه. ولی هنوز هم به شدت دوست داره گیلکی بهفمه و گیلکی بخونه.چون اصالتش رو دوست داره. شما تنها نیستید. حتی توی مغازه فست فود توی شیشه گران...
ممنون
سلام امین جوءن.
امیدوارم تی سربازی زوتر تمونابون، واقعا عمر آدم هچی تلف بونه، ولی انگار د چاره نداریم. ته درک کنم چون خور هم دیر و زود اعزامم.
تی مطلب میین یته تلخی خاصی دخُتبو(پنهان بود) شاید شکاف امی جامعه نشون د و شاید جا مونسن فرهنگ مردم از تنکنولوژی امروزه، یعنی امی مردم اونقدر که مثلا موبایل و ماشین و فست فود و... ر ارزش قائل هیسن خو زبوءن و فرهنگ ر ارزش قائل نیین و شاید هیتو بار بومَن.
چه خوب بو که فست فود خوردن موقع فک نونیم که اروپا هیسم پس د خ گیلیکی فراموشاکونیم. مو که بین ایشون ربطی نینم.
تی دم گرم که ای مطلب جوری بنویشتی که چند ته جنبه یه جا مطرح بودی.
چاکریم- باحال بو پیل برار- ولی تو کی فست فود خوری. دست کم اول بار من تر کافی شاپ مین بیدم. ------------------------------
ورگˇ اؤجا:
قدر جؤن، تی بلأ می سر، مو هم فستفود خؤنم و هم کافیشاپ (یا می قؤلی: قهوهخؤنه) شنم.
قضیه این نیه. قضیه اینه که مو هر زمت عجله دأنم یا خؤ>ه غذا ندأنم، شنم فستفود که یکته سرپایی غذا بخورم. ناویره،فستفود خؤردنˇ زمت اگر خیال بکونم الؤن فلان هتل یا رستورانˇ مئن نیشتم و خوراک خرچنگ سفارش دأ درم، عجیبه!
قهوهخؤ>هم شنم. چه او قهوهخؤنهیی که باخی مردوم اونه «کافیشاپ» گونن و چی قدیمی قهوهخؤنی. عاشقˇ اینم که یکته قهوهخؤنه مئن بنیشم و پابلوس بکشم و چیی یا قهوه بخورم.
خؤب بؤ مأ یاد بأردی. باید یکته وانیویسم راجه به قهوهخؤنه (کافیشاپ) بنویسم که چوتؤ کافیشاپی که اوروپپا مئن پاتوق و یکته راحتی جیگه بو که مردوم (کارگرؤن و کارمندؤن) بشن اؤىةبنیشن و استراحت بکونن و قهوه بخورن و پابلوس دود بکونن و گب بزنن کسنˇ همره، امی مملکتˇ مئن ببؤ یکته لوکسˇ جیگه که همه چی اونˇ مئن گرؤن و باکلاسه و خأن یواشی گب بزنی و تی لیواس تر و تمیز ببون و تازه، 45 دئقه ویشترأ نی مننی بنیشی! یعنی یکته ناراحتˇ جیگه!
-هیچ چیز "تندی" اونقد ارزش و لذت و دوؤم ندأنه. در" آهستگی" ایسسه که هممه چی خورؤم فهمسه بنه، هضم بنه، یا اصلاً خورؤم ساخته بنه. فهمسن همشک "زمان"_همرأ. زمان_کی حذف بوکؤنی هیچچه فهمسه و باقی نمؤنه...همه بؤدریم توند_کتره!
-او اروپا هم قرون وسطی و رنسانس و روشنگری و..مدرنیته و..سرأ دأ در گذر زمان خودشه ایتو هماهنگ بؤده. امه قرون وسطی مئن خا در شوکؤم رسی fastبئبیم.
روزبدهات براری جئن تی قبلی پسته ره نوبس هیچچی بنم ولی ایسه فئرسِیم ب ای پُست !! اَهَ... گوتَرَبوم.. مو خودم گاگلف جه او زهر ماری(فست فود ) خُرمُ ! لاجئنه شیشه گرانه مئن انی (هم) فست فود بوخُئرده دَئرمُ. بالفیطره!!! بد جیگایی نیه .... ولی چون یته جیگا ایسسه هَشُن وَشئن گودنه رُ کی ای فره (یه دسته)اُئرا خوشُئنه پاکه چاکوندُ غذا خوردنه بِ... هین واسی موزیاد ا جیگا امرا حال نکونمُ.... ای فره کی فست فود خُئردنه امرا خا بگون کی امو با باخی ادمُئن فرق دئرمی ... ناویلا جه جهت اینکی معدن سوژه ایسسه (نیویشتن رُ) مو ای جیگا دوس دئرمُ . بَدا کی دوننه نقل بگوم براری جُئن کی مرُ ایتتفاق دکتُ : ایتفا لاجئنه شیشه گرانُ مئن یته فست فود دیکُئن جولُ رافا ایسابوم!یته سمند اوتول بَیسا.. یته لاکُی جه اوتول جیر بوما ... به قوله زاکُئن های کلاس...مجلیسی لبلاس دُئده بو...هف سانتی صندل وزه ... دوماغ واچئه ... دیم چاکون واکون بُئدُ( یگ چی زَندُ خوشُئنه دیمُ... بَیکین پوت (بیکینگ پودر)!!)......خیلی مورتتب و مونظظم و موحترم.... بوما یگ چی سیفارش بدی...می امرا بُئتم کی ایسه خا فارسی گب بزنی ... ولی گیلکی گب بزه!!!.. خیلی میجیک دار ویه ایصطلاح غلیظ... تمامت ادمُنی کی اُئره ایسابود اینه گبس گوش داشتن... یه فره تره تره زاکُئن ( هو بی خاصیت جلگه ای کی اوشئنه ذیکره داایسلا (قبلن)بُئتم) ای لاکُئکه هواشِئی کس ب کسُ نوشُئن دشئد و خوشُئنه رُ خنده گودد.لاکُی بی خَیال بو .. یته موتجددید پیره گیله زناکانی!!! کی اُئرُ ایسابو و دایسلا خو کلماجین فارسی امرا غذا سفارش بدابو جه نزدیک ماتابوبُ بو او لاکو داهانه مئن !... دیکُئن دار مرداک (مرد مغازه دار) فارسی گب زِی و لاکوی گیلیکی ...مرداک خو گبُ شلار دَی و لاکُئکه گبایتی ... بداره (اینگار) کس ب کسُ ایشناختد امما او لاکُی یگ کلیمه فارسی گب نَزه... حال بُئدم... نزیک بو کی پراگیرم !! اینه کئار انگذه مره جالبیب بو کی او لاکُئکه امرا گبا سرائیتم...گیلیکی.... گوتی کی دانشگاه گورگُئنه مئن (گرگان) فیزیشکی (پیزیشکی)خُئنُ . مُ بُئتُ کی خو گیل و مازروونی روفاقُئنه امرا گیلیکی گب زنُ و گوتی تا او زماتی کی نیاز نبی فارسی گب نَزَنُ... چی برسی ب اِئرُ کی اینه اوستان ایسسُ...خاسسم اینه نظرُ وَورسم و اینه نیافَءرَسُ (دیدگاهش)بَینَم.بُئتم کی ای مرداک فارسی گب زنُ ..شومو چره گیلیکی گب زَندی ،شمرُ چتین نیُ ؟ اوجا بدا کی : مو می گبُ زِئرم.. او آقا وا بشی گیلیکی باموجی .. ای اونه موشکیل ایسسُ ! و.............. ایتفا ده ... لاجئنه ایسطلخه ورجی یته دیکُئنه مئن ایسابیم و فالوده خُردَرَبیم. .. می روفاقُئنه امرا..یته لاکُی بوما.چاکون واکون بُئدُ.. بداره کی فیله دوماعه مئنا بیرون بَکتبی... تمامت راشی ادمُئن اینه فاندرستره بون !! بوما..غلیظه فارسی زوونه امرا دیکُئنچی بُئتُ : آقا می بخشین "بَس سُنی " دارین !!!!؟ ای دوننه نقله جه مو بوخُئندین. اونه تفسیر شیمی امرا... یته لاکُی اوتُ... یته ایتُ... جئنه امین جئن خنابدون
اُی برا ... می دیلُ گبُ بَزِی.
مو خودم کسی ایسسم کی لااقل می دورینی دونیا مئن به همه چی جه ظنز دریچه نیا کونمه!امی فست فود دیکُئنئُن (مغازه ها) یته خورُم جیگا ایسسه کی پور ایسسه جه سوژه نیویشتنه ره. ای فره دردناکه طنز ایسسد و ای فره..... اُف ف ف...
ایشئنه نُئم فست فود ایسسُ .. ناویلا ئخر بای آسسونه و بشی امی محللُئنه مئن دارکباب بوخسئری تَ قول دمُ کی کمته(کمتر) وقت بورُ !! یا اینکی بای اسسونه حرم پوشت "واویشکه" بوخئری!! ه او زمت کی سیفارش دی تا اینکی تی غذا تی میزه سر بند 1 دقیقه انی طول نکشُ !! تازه ای دوننه جیگه کی نُئم ببوردم وختیشیاوشُئنهمئنانگذه ایحشاسه سبکیوروفاقت کونیادمئنهامراکی گوته نشا.هی خاکی بُئن و هی خوجیره ایحسلسه کس مره ارزیش دئرُ(دَئنه) (ایشُنُ تبلیغ واسی نئتم !!! ایتفا می کامنت پکا نکونی !!)
اینه گب پسی.. اینه بُئتم کی چنی خوشال ایسسم جه اینکی خو ایصالت ُ داشت بُئدُ. وختی می ساندویجُ خُئرده ره بوم خو غیذا هیتُ و خوداحافیظی بُئده و بوش ُ امما هنوز وختی اینه گب و کیردار یاد دکفمُ ایحساسه سرافرازی کونمُ.. ای جور زاکُئن امی گولاز ایسسد... مووففق، اصیل و به روز.
بیچاره خاسسی "بس سُنی"(بستنی) سیفارش بدی! خاسسی فارسی گب بزنی کی نوبُ...بد بخت سورخاب ُ... مرداک خُئره ننا ..می دیلس مئن بُئتم مجبور نبی کی لا !......امو دیکُئنه مئن نیشتُبیم.. لاکُیئکه حواس امی سر ننابو....
براره گوتنه رُ ببی ..هیتُ کی لاکُئکه گب تمنابُ.. آقا می فالوده می گولیا فاچکسُ ... شورو بُئدم ب خُس گودن ...یته می روفاق می پوشت مئن زِی .. می اوکته روفاقُی خو فالودا بنا و بودُئسه بیرین (بیرون)... لاکُی کی بیرین ایسابو موتوجیه نوب ُ... خو "بَس سُنیا" هَیتُ و بو شُ !!
می حال کی بخترابُ .. اندی فیک بُئدَم.خیلی ناراحتا بُم...می امرا گوتَم کی چرُ وا ایتُ ببی ؟... دیکُناجی کی بیرین بومایم می اُکتُ روفاقُ بَدِئم کی یته کوچه اجی بیرین بوما... اینه دیمُ آتش وارَسی !! انگذه او کوچه مئن خوره خنده بُئده بو کی سورخابوبُ بو..... وگرده راقه مئن کوللی راجع ب ای قضیه گب بَزیم....سراخر می روفاقانانی ب ای نتیجه فارسن کی ای مسئله نه تننا خندُ ندئرُ بلککی ونگ هم دئرُ .
البته ئخر جه لاکُئن میثال بزئم اصلن هچ قصدی ندَئشتم ....اویلا ئخر بخایم حیساب فاکشیم امی ریک ریکُئنه وضعیتانی بختر جه لاک لاکُئن نیُ.
دوننه میثالانی جه لاجئن بو ........ و جه به ایصطلاح اونه باکیلاس جاجیگه ئن ... بی هچ منظیری (منظوری)... ای دوننه خاطیرُ می فینگاره مئن تَج (شارپ!) بون و فقد می هاطیرا(خاطیرا) واگو بُئدم ناویلا ئخر امی چومُ واکونیم ممه جیگا تُئنمی ای جور قضایا بَینیم و دپرک بوخُئریم !!
تی درد و امی درد بوخُئری تی دوشفندُ دیلگا !
جئنه براری ئخر ترُ مقدیر ایسسُ ایشُئنه می قبلی کامنت مئن تصحیحاکون : بخترین چیکه چیئُنه تره ناجه دَئرمُ...
سینزهمته خط (خط سیزدهم ) :
..." تازه ای دوننه جیگه کی نُئم ببوردم وختیشیاوشُئنهمئنانگذه ایحشاسه سبکیوروفاقت کونیادمئنهامراکی گوته نشا."
وا ببی :
تازه ای دوننه جیگه کی نُئم ببوردم وختی شی اوشُئنه مئن انگذه ایحساسه سبوکی و روفاقت کونی ادمئنه امرا کی گوته نشا.
دو جیگا ده یته دوته حرفُ جا تُئدَم کی به تی بوزورگواری وا مُ ببخشی.اوشُنه شا فهمسن!
تی چتینه سربازیا سوبوک بگی ... ت سوبوک دواری ( بوگذری)...تمنابُ براری .... تمنابُ..
یته گبانی دئرمُ می برا " میرعماد م. موسوی " امرا( خُج ِ ویبلاگه مودیر) : میرعیماد جئن . مره بنویشته بی کی خایی مُ بَینی. تی ویبلاگه مئن تره کامنت بنام براری.می شومارانی بنئم. می گوله برا "امین" انی می شومارا دئرُ.تی خیدمت ایسئم. خوشالابومُ کی ت َ بَینَم. تی ویدا
برنج وارداتی که همه آن را با شاخصه قدبلندی می شناسند هیچ ارزش غذایی ندارد
برنج های هندی و پاکستانی که به صورت غیر طبیعی قد می کشند آن است که این برنج ها به مواد شیمیایی آلوده هستند و برای بدن ضرر زیادی دارند.
brass.blogfa.com
از حسن نظرتون که البته بیشتر از واقعیتم هست، ممنونم. چشم اگر خدمتی ازم بر بیاد برای گیلان دریغ نمی کنم.
خبرفوري: خانه كاشاني واقع در رشت خيابان تختي محله سرخبنده كوچه چكشلار بوسيله سودجويان ودشمنان گيلان و گيلاني تخريب شد. سلام هو خانه اي ايسه كي گيله وا ميان هوشدار بدابود كي احتمال دره خرابه به كي موتاسفانه گوش شنوايي ووجود نداشتي؟اَ كوچه ميان ايتا حمام قديمي هم هني نهه كي قاجار دوره شينه ولياَ خانه واقعا ايتا شاهكار بو !!!؟؟
خبرفوري: خانه كاشاني واقع در رشت خيابان تختي محله سرخبنده كوچه چكشلار بوسيله سودجويان ودشمنان گيلان و گيلاني تخريب شد. debaj.blogfa.com